2022 HKFBF成績公布

2022年11月12日HKFBF成績公布

HKFBF Classic Physique B Open

HKFBF Bodybuilding 75kg Below Open

HKFBF Bodybuilding Novice

《賽後感》

由比賽完到今日我其實都好似發緊夢咁，唔敢相信自己贏到同埋贏在邊方面，所以一直都冇寫感受，我重複睇比賽片段睇左幾日，有幾個老友睇完DM我話：「你今年條腿好分喎。」「你今次D Posing睇得出下過苦工喎，下次我比賽可唔可以幫我執下！？」其實我真係好開心有人睇到我嘅進步，得到肯定！我等左3年，差唔多想放棄健美嘅時候俾我贏番次，亦有D師兄唔信我玩左3年比賽一次final都未入過，我公開講係真架，我相信換轉係其他人可能一早放棄左，但我就係想放手一搏，去盡佢！今年操腳日每星期兩課操10次有7次個人黑左（好似熄機咁）賽前2個月我每日都練Posing，錄低佢重複睇再調整，雖然第一場Classic有D怯場，但身體都有記憶擺落去，到贏第一個金之後越擺越有信心，行出黎越嚟越有自信，第二場新秀Bodybuilding，係我從來未玩過嘅項目，喺參加人數咁多下拎第二我已經好滿意，第三場公開Bodybuilding 75kg以下贏埋第一，都真係好意外，真心我第一次玩有咁嘅成績自己都難以置信，所有野來得太快，自己都未意識到點解會贏，Anyway好多謝大會 @ifbbhongkong 提供一個咁好嘅舞台俾我展示自己，下次再上台一定比今次狀態炸裂，我希望我自己嘅故事能夠幫到剛剛踏進健美嘅人，失敗一次、兩次、三次唔緊要，到你有足夠嘅準備嘅時候，成績自然會來！大家都要加油